Kreu i LDK-së, Isa Mustafa ja ka shuar përfundimisht shpresat Albin Kurtit që të bëhet kryeministër. Ai ka thënë se në mungesë të një marrëveshjeje për bashkëqeverisje, ku timonin e udhëheqjes e merr LDK-ja, ata shkojnë në opozitë.
“Në asnjë rast marrëveshje me PDK-në. LDK-ja nuk ka vota as për Haradinajn e as për Kurtin kryeministër”, ka thënë ai, duke thënë se certifikimit të rezultateve, do të jenë të hapur për bisedime, mirëpo me asnjë kusht që LDK-ja t’i bashkohet ndonjë liste.
“Aty ku ka PAN nuk mund të ketë asnjë lloj marrëveshje”, ka thënë ai në Rubikon të KTV, ndërsa ka ironizuar me PAN-in duke e quajtur fitues të humbjes.
Kujtojmë se Kurti haptas ka ftuar LDK-në t’i bashkohet në koalicion paszgjedhor, siç ka thënë për ta dërguar në opozitë “Klanin Pronto”. /tesheshi.com/
