Rusia ka vendosur që të pranojë në territorin e saj me vizë, shtetasit e Kosovës që posedojnë një pasaportë të shtetit më të ri në botë.
Sipas Ministrisë së Jashtme ruse, do të hyjnë në territorin e Federatës ata shtetas kosovarë që udhëtojnë me ftesë nga federatat ruse të sporteve apo Komitetit Olimpik, ose edhe për aktivitete të tilla të ngjashme.
Por ky vendim ka irrituar pa masë Beogradin. E përditshmja më e madhe serbe “Blic” në numrin e ssotëm ia ka kushtuar faqen e parë këtij lajmi.
“Putin pranon pasaportën e Kosovës”, është titulli kryesor i “Blic”-it, derisa në mbititull ka të shkruar: “Vëllazërisht – Vendim i befasishëm i miqve tanë të mëdhenj”.
“Prishtina kremton atë që Rusia pas 15 vitesh i ka pranuar dokumentet e tyre të udhëtimit. Moska ‘sqaron’ se me pasaportë të Kosovës tani për tani mund të hyjnë vetëm sportistët”, shkruan “Blic”.
Në anën tjetër, ministri i Punëve të Jashtme të Serbisë, Ivica Daçiç ka thënë se “fajtor për këtë është Komitetit Olimpik Ndërkombëtar, e jo rusët”.
/tesheshi.com/
