Lëvizja “Jelekët e Verdhë” mbajti protesta të reja në qendër të Parisit për të shprehur mospajtimin me politikën e administratës së Presidentit Macron.
Qindra protestues u mblodhën para Këshillit të Shtetit dhe marshuan në protestë për në sheshin Chatelet.
Protestuesit mbanin parulla me mesazhe anti-qeveritare dhe bërtisnin parrulla “Ne jemi këtu, pavarësisht nga fakti që Macron nuk e dëshiron atë.”
Të mbledhurit thanë se Macron nuk mund të fshihej as në izolimin e shtëpisë që iu caktua për shkak të testit pozitiv të kohëve të fundit për koronavirus.
Një prej tyre tha se po protestonte për të mbrojtur liritë themelore në Francë.
“Policia dhe gjyqësori punojnë për qeverinë. Quhet diktaturë”, tha Diddi, duke shtuar se njerëzit u monitoruan dhe sulmuan në bazë të përkatësisë fetare ose etnike.
Masat e rritura të sigurisë u panë në Paris dhe policia nuk i lejoi protestuesit të afroheshin në Pallatin Elysee dhe selinë e parlamentit.
Lëvizja “Jelekët e Verdhë” filloi në Francë dy vjet më parë dhe organizoi një seri protestash anti-qeveritare që shkaktuan trazira të mëdha në rrugët e qyteteve franceze.
Për ironi, ndërsa Macron shpall projektin e “reformimit” të jetës islame në Francë nën flamurin e lirisë, nga ana tjetër nga bashkombasit e tij është nën akuza të vazhdueshme, përfshirë protestat që s’kanë të ndalur. /tesheshi.com/
