Një paradë ushtarake u mbajt në Teheran të dielën për të përkujtuar Javën e Shenjtë të Mbrojtjes, në 39-vjetorin e fillimit të Luftës Iran-Irak (1980-1988).
Presidenti Hassan Rouhani mbajti një fjalim në ceremoninë e hapjes, ku morën pjesë komandantë të lartë ushtarakë, përfshirë Shefin e Shtabit të Forcave të Armatosura të Iranit, Gjeneral Major Mohammad Hossein Baqeri.
Parada shfaqi modele bashkëkohore të teknologjisë ushtarake iraniane, duke përfshirë edhe armë artilerie vetëlëvizëse “Hael” dhe sistemin raketor mbrojtës-ajror “Bavar 373”.
Lajmi më i madh i paraqitur nga forcat e armatosura të Iranit ishte një raketë e re balistike e quajtur “Khramshahr”, me një kokë të re, njoftoi agjensia e lajmeve Fars. Raketa “Khramshahr” mund të godasë objektivat në një distancë prej 2,000 kilometrash, duke mbajtur kokë të fortë me peshë deri në 1.800 kilogramë – bëjnë me dijë autoritetet ushtarake të Teheranit. /tesheshi.com/
