Palestina iu bashkua Interpolit si një vend anëtar të mërkurën, një lëvizje kjo e kundërshtuar nga Izraeli, në një votim në asamblenë e përgjithshme të organizatës ndërkombëtare të policisë në Pekin, njoftoi vetë Interpoli.
“Shteti i Palestinës dhe Ishujt Solomon janë tani anëtare të INTERPOL-it”, postoi ky organizëm në llogarinë e tij në Twitter.
Ministria e jashtme izraelite, e cila tha më parë se përpjekjet e Izraelit për të shtyrë një votim deri në vitin e ardhshëm kishin dështuar, nuk kishin asnjë koment të menjëhershëm mbi vendimin.
Izraeli, me pretendimin se Palestina nuk është një shtet, e konsideronte të pranueshëm anëtarësim në Interpol të këtij vendi. Sipas marrëveshjeve të përkohshme paqësore izraelito-palestineze, autoritetit palestinez i është dhënë një vetë-qeverisje e kufizuar në Bregun Perëndimor dhe në Rripin e Gazës të okupuar.
“Kjo fitore u bë e mundur për shkak të qëndrimit parimor të shumicës së anëtarëve të Interpolit”, tha në një deklaratë ministri i jashtëm palestinez Riyad Al-Maliki.
Organizata për Çlirimin e Palestinës tha në Twitter se më shumë se 75 për qind e anëtarëve të Interpolit votuan për miratim të anëtarësimit.
“Në këtë moment të gëzueshëm për ne, shteti i Palestinës përsërit angazhimin e saj për të mbështetur detyrimet e veta dhe për të kontribuar në luftën kundër krimit dhe në avancimin e sundimit të ligjit”, tha Maliki.
Në vitin 2012, Asambleja e Përgjithshme e OKB-së e ndryshoi statusin e vëzhguesit të Autoritetit Palestinez në Kombet e Bashkuara në “shtet jo-anëtar” nga “entiteti”, si Vatikani.
Ky hap nuk përfshin anëtarësinë e plotë të OKB-së, por ka implikime të rëndësishme juridike në lejimin e aksesit të palestinezëve në organet ndërkombëtare, nëse ata zgjedhin të bashkohen.
Kujtojmë se të njëjtën sfidë ka para dhe Kosovës, e ndeshur dhe ajo me kundërshtimin e ashpër të Serbinë. /tesheshi.com/
