Musa Mustafa
Tregëtarët mitrovicarë, sidomos në rrugën ‘Mehu Uka’, sfidojnë inspektoratin komunal, nuk largojnë mallrat nga trotuaret.
Mallrat ushqimorë dhe ato jo ushqimore në qytetin e Mitrovicës ekspozohen në trotuar, ndërsa që kalimtarët, janë të detyruar të ecin rrugës duke penguar komunikacion dhe rrezikuar jetën.
Qeverisja komunale në Mitrovicë, koalicioni AKR-LDK, ka premtuar se nuk do të lejohet shitja dhe ekspozimi i mallrave nëpër trotuare, por qytetarët ankohen se një gjë e tillë ende po ndodh.
Në anën tjetër zyrtarë komunal të Mitrovicës pranojnë se janë të sfiduar nga shitësit sidomos në rrugën ‘Meh Uka’, duke paralajmëruar një aksion të shpejtë për konfiskimin e mallrave që janë të ekspozuar dhe mbyllje të dyqaneve.
Për çdo ditë jemi të rrezikuar nga makinat, pasi që po detyrohemi të ecim rrugës, ndërsa që mallrat e dyqaneve tek hekurudha janë të vendosura në trotuare ka thënë Burim Beqiri, student në fakultetin e Gjeoshkencave në Mitrovicë.
E përmenda këtë pjesë pasi që rreth 5 mijë student të Universitetit të Mitrovicës thuajse çdo ditë kalojnë në atë pjesë pa numëruar edhe kalimtarët e rastit, por kjo nuk është e tëra pasi që gjendje më e mirë nuk është as në trotuaret e rrugëve të tjera të qytetit ka thënë Beqiri.
Koalicioni qeverisës në Mitrovicë, në fillim na ka premtuar se nuk do të lejojë ekspozim të mallrave nëpër trotuar dhe në fillim ndërmarrin një aksion, largoi po thuajse të gjitha mallrat, por që tek dyqanet tek hekurudha kjo nuk ndodhi ka thënë Beqiri.
Në anën tjetër një pronar i një dyqane në rrugën ‘Meh Uka’, që po sfidojnë institucionet komunal dhe inspektorët duke ekspozuar mallin në trotuar i ka thënë portalit ‘Tesheshi’, me kusht të anonimitetit, se i tërë faji për ekspozimin e mallit në trotuare është i inspektorëve komunal.
Inspektorët në fillim të këtij viti kanë ardhur dhe kanë kërkuar që të largojmë mallin nga trotuari, një gjë të till e kemi bërë, por pasi që ata e lejuan një dyqanë këtu që ta lërë mallin në trotuarë atëher të gjitha këto dyqane bënë të njejët gjë ka thënë pronari.
“Ne nuk po sfidojmë inspektimin, por ai po sfidon veten”, ka thënë pronari dhe ka shtuar se jam shumë i gatëshm që mallin ta fus brenda në dyqan si është në tërë botën e qytetëruar.
“Po është e vertetë se pronarët e dyqaneve në rrugën ‘Mehë Uka’, na kanë sfiduar disi”, ka thënë Drejtori i Drejtorisë të Inspektimit në Komunen e Mitrovicës, Naim Hajra.
Për këtë arësye, tani kemi edhe ekspozim të mallrave nëpër trotuare edhe nëpër rrugë të tjera të qytetit ka theksuar kryeinspektori mitrovicas.
Hajra ka shtuar se inspektorati nuk do të lejojë që të sfidohet nga shitësit, pasi që ligji do të respektohet dhe nuk do të ketë më ekspozim të mallrave nëpër trotuare.
Të gjithë ata që kanë ekspozuar mallra nëpër trotuare do t’u konfiskohet malli, ndërsa që për mos bindje të urdhrave të inspektorëve do të ketë edhe mbyllje të dyqaneve ka thënë Drejtori i inspektimit.
“Të gjitha dyqanet i kemi njoftuar me shkrim dhe gjatë kësaj jave do të pason aksioni për lirimin e trotuarëve. Për këtë arësye Komuna ka nxjerr2 një urdhëresë, bazuar në nenin 15 paragrafi 2 i Ligjit nr. 03/L-016 për Ushqimin, Ligjit nr. 200/18 për Tregtinë e Brendshme, ku thuhet se “ndalohet shfrytëzimi i hapësirave të tjera jashtë tregjeve të hapura për shitjen dhe ekspozimin e prodhimeve bujqësore, artikujve ushqimor, tekstilit, mjeteve teknike dhe të ngjashme pa lejen e drejtorisë përkatëse”.
Çdo mall që ekspozohet dhe vendoset në hapësira publike pa leje nga organi përgjegjës, do të konfiskohet, subjektit në fjalë do t’i ndalohet përkohësish ushtrimi i veprimtarisë dhe ndaj personit që vepron në kundërshtim me ligjin me dispozitat e lartëpërmendura ligjore, do të ngrihet procedurë gjyqësore, thuhet në urdhëresën e lëshuar nga Komuna.
/tesheshi.com/
