Ka ardhur dhe reagimi i Inspektoratit Shtetëror Teknik lidhur me ngjarjen në Ballsh, duke konkluduar se shkak ka qënë mosrespektimi i rregullave teknike të shfrytëzimit.
Me gjuhë teknike, ISHTI thotë në deklaratën e saj ngjarja në impiantin e hidropastrimit të karburanteve ka ndodhur gjatë procesit të manovrimit për vënien në punë të separatorit të presionit të ulët. “U rrit presioni me hidrogjen tre herë mbi normale, në mënyrë ët menjëhershme dhe për këtë nuk funksionoi valvula e sigurimit të pajisjes që bën mbrojtjen e saj”, sqarohet nga ky inspektoriat. “Do jetë prokuroria ajo e cila përmes hetimeve do të zbardhë plotësisht ngjarjen”, thuhet në njoftimin e ISHTI.
Refineria e Ballshit u rivu në punë afro 10 ditë më parë pas një ndërprerje gati 2-vjeçare, që kur në emrin ARMO falimentoi si pasojë e keqmenaxhimit nga ana e pronarit Taçi Oil. Qeveria e konsideroi si sukses rihapjen e saj duke u garantuar punëtorëve me anë të kushteve ndaj investitorëve të rinj pagesat e prapambetura dhe vazhdimësinë e punës. /tesheshi.com/
