Momente terrori u përjetuan të mërkurën në gjykatën në qytetin Ghaziabad në Indi, kur një leopard i shfaqur krejt papritmas pushtoi ambientet.
Kafsha e egër, e cila ende nuk dihet se si ka hyrë aty, ka lënduar gjithsej gjashtë persona në duar dhe fytyrë.
Përpjekjet për të mbajtur leopardin me shkopinj ose rrjeta janë regjistruar në videot e sallës së gjyqit.
Ghaziabad është në skajin lindor të kryeqytetit të Indisë, New Delhi, pranë një pylli plot me leopardë.
Në Indi, vlerësohet se ka rreth 12,000 leopardë, të cilat mbrohen si një specie e veçantë.
Megjithatë, zyrtarët indianë pohojnë se një leopard vritet çdo ditë në vend pasi ato janë shtuar në zonat e banuara. /tesheshi.com/
