Një video e një ushtari që rrëzohet pranë arkivolit të Mbretëreshës Elizabeth ndërsa qëndronte roje është bërë virale.
Ushtari ka rënë të fikët për shkak të rraskapitjes në orët e para të mëngjesit të dy ditëve më parë dhe, pasi incidenti tronditës është transmetuar drejtpërdrejt, është zbuluar orari rigoroz që duhet t’i përmbahen rojet, i cili përfshin qëndrimin në vend për orë të tëra.
Duke u rrëzuar, ushtari goditi fort në dysheme dhe oficerët i dolën menjëherë në ndihmë. Por pjesa tjetër e ushtarëve qëndruan në vend, plotësisht të përkushtuar ndaj detyrës së tyre për të ruajtur arkivolin e Mbretëreshës Elizabeth II. Deri më tani nuk dihet nëse ushtari ka mbetur i plagosur gjatë rënies.
JUST IN: Guard collapses while Queen Elizabeth II lies in state https://t.co/gEMrYN0NSC
— BNO News (@BNONews) September 14, 2022
Rënia e ushtarit u filmua në fillim të ndërrimit të rojes, një nga pjesët më të rëndësishme të procedurës për të siguruar që arkivoli të ruhet vazhdimisht. Rojet duhet të jenë të pranishme gjatë gjithë kohës, 24 orë në ditë, përpara funeralit të saj, i cili do të bëhet më 19 shtator.
Pasi video u bë virale në rrjetet sociale, njerëzit filluan të pyesin saktësisht se sa orë u duhej rojeve të qëndroni gati-tu pranë arkivolit dhe nëse kishin edhe një pushim.
Ushtarët duhet të ruajnë të katër qoshet e arkivolit dhe orari rigoroz përfshin gjithsej gjashtë orë qëndrim, me roje që rrotullohen rreth arkivolit çdo 20 minuta. Ata janë nën presion të madh, veçanërisht për shkak të numrit të madh të njerëzve që duan t’i bëjnë nderimet e tyre mbretëreshës, dhe disa janë të gatshëm të presin në radhë me orë të tëra për t’i thënë lamtumirë asaj. /tesheshi.com/
