Një incident i rëndë ka ndodhur sot në mbrëmje në një fshat të Lezhës, ku është qëlluar me armë makina ku ndodhej bashkëshortja e kreut të Kuvendit, Monika Kryemadhi, njëkohësisht deputete e Lezhës.
Siç mësohet, ngjarja ka ndodhur në fshatin Kooperativë ne Rrilë të komunës së Shënkollit.
Kryemadhi, e shoqëruar dhe nga anëtarë të stafit electoral të kandidatit Viktor Tusha, ka qenë duke dalë nga shtëpia e një banori të këtij fshati, me inicialet T.GJ, i njohur si përkrahës i PD. Sapo ka dalë nga banesa e përhrahësit të PD’së, nga një makinë aty pranë është qëlluar në ajër me automatic kallashnikov duke tmerruar njerëzit përreth. Madje zonja Kryemadhi ishte me të bijën e saj.
Policia në një komunikatë të saj thekson se është identifikuar personi që ka qëlluar dhe është Tonin Fizi (person me precedent penale). Ai ka qenë i shoqëruar nga disa kusherinj të tij dhe kandidati i PDsë Fran Frroku.
Për fat nuk ka patur të lënduar nga kjo ngjarje e rëndë. Me këtë rast, shtabi elektoral i kandidatit Viktor Tusha dhe deputetja e zonës Monika Kryemadhi i bëjnë thirrje qytetarëve dhe banorëve të Lezhës që të ruajnë qetësinë.
Kryemadhi i kërkoë deputetit të PDsë, kreut të listës së Lezhës, Aldo Bumçi të distancohet nga personat e inkriminuar që udhëtojnë me makinën e tij dhe mbajnë aty armë pa leje duke terrorizuar jo vetëm banorët e zonës, por dhe duke ushtruar presion tek votuesit për blerjen e votave për kandidatin Fran Frrokaj. Me depozitimin e kallzimit per kete ngjarje te rende ne drejtorine e policise ne Lezhe, shtabi elektoral i zotit Viktor Tushaj dhe deputetja e zones i kerkojne forcave te rendit qe te ushtrojne kontroll te rrepte per te siguruar qetesine e banoreve dhe sigurine per diten e zgjedhjeve. Ata kerkojne qe te hetohet çdo makine me targa te dyshimta apo pa targa
