Ilir Meta ka shkuar shumë larg në një intervistë të dhënë për Blendi Fevziun në emisionin “Opinion”.
Ai, pasi ka akuzuar Edi Ramën që nuk mban fjalën, ka deklaruar se qeverisja e tij 4-vjeçare ka qenë negative dhe se më e mira ka qenë ajo me Sali Berishën.
Meta deklaroi ndërkohë që pas zgjedhjeve LSI do të bëjë qeverinë jo me Edi Ramën dhe Lulzim Bashën por me deputetë të PD-së dhe PS-së që janë të pakënaqur nga kryetarët e tyre.
“Kam një problem me një përpjekje të dy individëve dhe jo dy partive që po përpiqen të mbajnë peng demokracinë. Këta të dy në mënyrë të errët kanë formuar një “task force” që po funksionon si “gestapo”. Në këtë “task force” nuk ka asnjë anëtar as përfaqëues të LSI.
Nuk është aty as ministrja e Integrimit që ka një rol të rëndësishëm”, tha Meta.
Presidenti i ardhshëm ka komentuar edhe deklaratën e Ramës se me votat e PS-së ai u bë president i Republikës.
“Unë me votat e PS-së president? Rama pa votat e LSI-së mund të mos bëhej kurrë kryeministër pas atyre që i ka bërë LSI-së dhe mua”, tha Meta. /tesheshi.com/
