Ishte i ftuar të merrte pjesë në konferencën e katërt të kryetarëve të parlamentaeve të vendeve të OKB-së.
Por në vend të tij, Shqipëria do të përfaqsohet nga deputetja socialiste, Valentina Leskaj,
Kryetari i Kuvendit, Ilir Meta, nuk do të shkojë as këtë verë në SHBA. Ai ishte i ftuar të merrte pjesë në konferencën e katërt të kryetarëve të parlamenteve të vendeve të OKB-së, por këtë ftesë ia ka deleguar deputetes së Partisë Socilaiste Valentina Leskaj.
Burime nga parlamenti bëjnë të ditur se Leskaj është nisur drejt SHBA-së ndërsa Meta nisur drejt Maqedonisë për të marrë pjesë në gëzimin familjar të kryetarit të BDSH-së Menduh Thaçi i cili organoizon këtë fundjavë dasmën e dy djemve të tij.
Rreth një vit më parë, Ilir Meta anulloi një tjetër vizitë në SHBA ku ishte i ftuar nga disa kongresmen amerikan. Ai e anuloi vizitën në SHBA me pretendimin se në Shqipëri vinte presidenti i Turqisë, Rexhep Taip Erdogan dhe se duhet të ishte në Shqipëri për ta pritur.
Në fakt presidenti i turqisë anuloi vizitën për shkak të një tragjedie që kishte ndodhur ato ditë në një minierë në Turqi ku humbën jetën disa minatorë.
Ka pasur komente të shpeshta në media, sipas të cilave Ilir Meta nuk është i preferuar i SHBA-ve.
Porn ë fakt deri tani nuk ka një qëndrim zyrtar të SHBA-së për këtë çështje dhe i vetmi detaj që e vërteton këtë alibi të mediave është fakti se Meta nuk ka mundur të realizojë një vizitë në Uashington D.C vitet e fundit edhe në rastet kur si kryetar i parlamentit duhet të ishte në aktivitete të zhvilluara në SHBA, siç është edhe konferenca e 4 e krerëve të parlamenetve etë vedeve anëtare të OKB-së./tesheshi.com/
