Ilir Meta është betuar si President i shtatë i Republikës në një sallë të parlamenti të mbushur plot.
Pas betimit, kryetari i ri i shtetit shqiptar është takiar me disa prej deputetëve.
Meta ka takuar ish-kryeministrin, Pandeli Majko, numrin dy të PS-së, Gramoz Ruçi, si dhe ish-kryeministrin Sali Berisha.
Ky i fundit shprehej i entuziazmuar për zgjedhjen e Metës, duke thënë se i uronte vetëm suksese.
“Ia bëra urimin unë vetë, i uroj suksese në detyrë”. Keshtu tha ish-kryeministri Sali Berisha i cili zbardhi per gazetaret jashte salles se Parlamentit se cfare bisedoi kur u takua me Presidentin e ri Ilir Meta ne seance pas betimit.
Ndersa Pandeli Majko tha: “Me krahë të lehta ia thashë”.
Ndërkohë, ka munguar një shtërngim duarsh mes kryeministrit Edi Rama dhe presidentit Ilir Meta.
Në ceremoni ka qenë prezent ambasadorja e BE-së, Romana Vlahutin, por ka rënë në sy mungesa e ambasadorit amerikan Donald Lu, i cili ka gjasa që të jetë në SHBA për pushime.
Nuk u pa as ambasadorja gjermane, por është dalluar si gjithnjë në ceremonitë e Ilir Metës, Baba Mondi, kryegjyshi botëror.
Ilir Meta në fjalën e tij ka premtuar se do të jetë garant i Kushtetutës dhe onsensual në vendimet e tij.
“Do t’i shërbej konsensusit, bashkëpunimit dhe gjithpërfshirjes dhe sidomos avancimit të reformave që e bëjnë vendin tonë më demokratik, më të begatë dhe më shumë europian”, tha Presidenti i ri.
“Më 28 prill kandidova si President më shumë me mendje sesa me zemër, sepse opozita nuk ishte këtu, por ju siguroj se betimi im sot këtu është me zemër dhe besoj se kandidimi im si President dha kontributin modest në zgjidhjen e krizës politike”, u shpreh ai.
Pas betimit në Kuvend, Ilir Meta iu drejtua Presidencës, ku zhvillohet ceremonia e dorëzimit të detyrës nga Presidenti Bujar Nishani tek pasaardhësi i tij.
/tesheshi.com/
