Rreth 72 zyrtarë të niveleve të ndryshme janë kallëyuar në Prokurori gjatë vitit 2016 nga ILDKPI për fshehje pasurie, deklarime të rreme, konflikt interesi etj. Sipas raportit vjetor të këtij institucioni, 314 subjekte janë ndëshkuar me masë administrative, ndërsa në total janë kontrolluar 1709 të tilla. ILDKPI bën të ditur se në prokurori janë depozituar kallzime penale për deputetë, anëtarë të KLD, gjytarë, prokurorë, ambasadorë, drejtues të qeverisjes vendore e këshilltarë.
Inspektorati i Lartë, në një vlerësim të numrit të përgjithshëm të kontrolleve të plota ndaj deklaratave të interesave privatë të subjekteve që mbartin detyrimin për deklarim, konstaton se gjatë viteve 2011-2016, numri i kontrolleve është katërfishuar, me një trend të lartë në rritje, në dy vitet e fundit.
Në raportin për vitin 2014, ILDKP ka pohuar se 47 zyrtarë të lartë kanë fshehur rreth 40 milionë euro pasuri.
“Vlen të theksohet se janë depozituar 47 kallëzime penale për zyrtarë të niveleve të larta drejtuese, si deputetë, ish ministër, anëtarë KLD-je, gjyqtarë të shkallës së parë dhe apelit, prokurorë, ambasadorë, këshilltarë, titullarë institucionesh publike, drejtues të qeverisjes vendore, ndër të cilët 21 gjatë vitit 2014 dhe 26 kallëzime penale gjatë vitit 2015”, shkruan shqiptarja.com.
Kallëzimet penale të zyrtarëve të nivelit të lartë përkojnë me një shumë prej rreth 40 milionë euro pasuri, e cila nuk rrjedh nga burime të ligjshme dhe është e pambuluar me dokumente justifikuese ligjore.
Statistikat
- Kallëzimet penale
Në vitin 2016 për 72 zyrtarë;
Në vitin 2015 për 84 zyrtarë;
Në vitin 2014 për 74 zyrtarë;
Në vitin 2013 për 0 zyrtarë;
Në vitin 2012 për 6 zyrtarë
- Gjobat
314 masa administrative gjatë vitit 2016;
550 masa administrative gjatë vitit 2015;
400 masa administrative të gjatë vitit 2014
0 (zero) masa administrative gjatë vitit 2013;
71 masa administrative në vitin 2012.
/tesheshi.com/
