Presidenti i nëntë i Turqisë, një prej politikanëve më të njohur e më me ndikim, Sulejman Demireli ka ndërruar jetë në orët e para të së mërkurës.
Në moshën 91-vjeçare, Demireli gjendej në spital që nga 13 maji, dhe gjendja e tij u përkeqësua të martën në mbrëmje. Sipas personelit të spitalit Güven, ku po trajtohej ish-presidenti, ai e la këtë jetë në orën 02:05.
Sulejman Demireli qe pesë herë kryeministër i Turqisë mes viteve 1965 dhe 1993. Më pas, nga viti 1993 deri në vitin 2000, ky politikan dhe shtetar do të shërbente si president i nëntë i vendit.
Demireli drejtoi Partinë e Drejtësisë (AP; Adalet Partisi) nga 1964-a në 1980-ën, e nga 1987-a në 1993-shin qe udhëheqësi i Partisë së Udhës së Vërtetë (DYP; Doğru Yol Partisi). /tesheshi.com/
