Eshtë shtyrë sërish seanca gjyqësore në ngarkim të ish-ministrit të Rendit Saimir Tahiri, nga e cila ky i fundit është irrituar tej mase. Kjo për faktin se siç tha, Prokuroria nuk po tre fashikuj me dëshmi, për të cilat Tahiri tha se janë në favor të tij.
“Ky proces është shtyrë për të tretën herë; herën e parë se letrat e postës ishin të grisura, herën e dytë se nuk ishin bërë njoftimet; herën e tretë që na kanë humbur letrat. Edhe një çerdhe është më e organizuar se kaq!
Nuk e di si mund të ndodhë që mund të humbasin letra në prokurori kur dihet kush i ka dërguar dhe kush i ka marrë. Nuk e di si mund të vijohet kështu, me këto letra prokuroria kërkoi arrestimin tim dhe sot thotë më kanë humbur. Kjo është qesharake.
Nuk dua ta di nëse është e qëllimshme apo gabim njerëz, nëse është e qëllimshme është e keqja më e vogël, pasi nuk paska gjetur rrugë tjetër se kjo kaq banale. Shpresoj që të jenë mungesë vëmendje”, theksoi ish-ministri Tahiri.
Ai kërkoi këmbëngulësisht që seanca të mos shtyhet më
“E thashë edhe në seancë, ata janë prova në favorin tim, por unë heq dorë vetëm që gjyqi të mos shtyhet. Po heq dorë nga disa dëshmi në favorin tim. Unë heq dorë vetëm të mos shtyhet”, theksoi Tahiri. /tesheshi.com/
