Personi i rradhës i thirrur në SPAK ka qenë i Berishës, Shkëlzeni. Pas pranisë aty, me shpjegime për Gërdecin e 2008-ës, ai e nxorri veten të lartë nga ajo tragjedi.
“Jam thirrur për tu pyetur si person që mund të ketë lidhje me rrethanat e hetimit për çështjen e Gërdecit. Ato që thashë në SPAK i kam deklaruar dhe publikisht. Nuk mendoj se deklaratat e mia i kanë dhënë asnjë ndihmë hetimit në fjalë sepse nuk kam pasur lidhje.
Kam ardhur në respektim të ligjit si çdo qytetar. Ajo që më bën përshtypje që pas 15 vitesh e njëjta prokurori mendojnë se mund të kem dijeni për rrethanat e hetimit pas kaq shumë vitesh”, tha Shkëlzen Berisha, emri më i lakuar për “fabrikën e vdekjes”.
Kujtojmë se SPAK ka rihapur dosjen e Gërdecit, duke hetuar sërish rolin e Fatmir Mediut si ministër Mbrojtjeje në atë kohë. /tesheshi.com/
