Arben Ristani, ish-Sekretar i Përgjithshëm në PD i mënjanuar nga Basha, ka adresuar një tjetër kritikë ndaj këtij të fundit, lidhur me stilin se si po bën opozitë, pasi e ka nxjerrë partinë jashtë sistemit.
“Bashkitë e fituara nga PD, ikën një nga një dhe përfundimisht PD është jashtë sistemit, si në pushtetin qendror edhe në at vendor”, thekson fillimisht njeriu i cili në kushtet e drejtimit të KQZ-së 8 vite më parë, do i dhuronte Bashës një fitore në Tiranë, me anë të një procesi në tavolinë.
Më tej, ai thotë se nuk dihet se si e qysh PD pretendon të vijë në pushtet, kur këtë nuk e ka të qartë askush, duke nisur që nga vetë Basha.
“Ndërkohë PD ka një objektiv të vendosur dhe të shpallur: qeveri kalimtare, pa Ramën kryeministër dhe zgjedhje të parakohshme të përgjitheshme, mundësisht edhe lokale.
Objektivin afatshkurtër e kemi, por rrugën se si do e realizojmë dhe mjetet që do perdorim, askush nuk i di, ose se paku nuk janë transparente per demokratët. Çdo ditë deklarohet se çdo bëjë PD pasi të vijë në pushtet dhe vërtet që vetëm PD mund t’i bëjë realitet, por si do vijë PD n pushtet, këtë askush nuk di.
Duke mos ditur nga do kalojmë, me se do luftojmë, si do organizohemi, kush është përpara, kush mbrapa, kush majtas, kush djathtas, cilat janë aleancat etj., etj., elemente të luftës opozitare që demokratët duhet t’i dinë, nuk krijohet kurrë besim në arritjen e objektivit. Pa besim nuk ka kurrë fitore!”, shkruan Ristani. /tesheshi.com/
