Lideri i ri i opozitës izraelite, ish-kryeministri Benjamin Netanyahu dhe familja e tij do të largohen nga rezidenca zyrtare e kryeministrit më së voni deri më 10 korrik, u njoftua sot në Jeruzalem.
Parlamenti izraelit – Knesset votoi më 13 qershor qeverinë e re izraelite të kryesuar nga Naftali Bennett.
Kjo i dha fund mbretërimit të Netanyahut, i cili ishte kryeministër për kohën më të gjatë në historinë e vendit, 12 vjet me radhë.
Por megjithëse qeveria e re është betuar, Netanyahu nuk është larguar ende nga rezidenca zyrtare e kryeministrit në Jeruzalem, paraprirë nga javë të tëra protestash nga qytetarët që e kërkojnë atë të japë dorëheqjen.
Një deklaratë e përbashkët nga kabineti i Bennett dhe Netanyahu tha se ishte arritur një marrëveshje që Netanyahu dhe familja e tij të largoheshin nga rezidenca më së voni deri më 10 korrik.
Eshtë shtuar se Bennett do të zhvendoset në rezidencë më vonë. /tesheshi.com/
