![Një ushtar izraelit qëndron me kompleksin e Xhamisë Al-Aksa në sfond [Dosje: Maya Alleruzzo/AP Photo]](https://tesheshi.com/wp-content/uploads/2024/12/Kolonet-izraelite-shkelin-status-quo-ne-ne-kompleksin-e-xhamise-Al-Aksa-360x180.webp)
Nuk ka përmbysje, nuk ka hakmarrje, nuk ka asgjë që mund ta ndalë këtë Real në Europë!
Nuk ka një fitues të ri, por ka një përsëritës si fitues në finalen e Champions League-s: është Reali i Madridit!
Nuk ka tripletë për Juventusin, por ka humbje në finale, ngjashëm me atë të para dy viteve.
I dymbëdhjeti trofe në Campions League për Realin, i dyti radhazi, si asnjë skuadër tjetër, i treti në katër sezonet e fundit të këtij aktiviteti.
Në “Millennium Stadium” të Kardifit, aty ku është luajtur jo nën qiell të hapur, por nën një strehë të mbyllur, verdikti i finales së Champions League-s është ky: REAL i MADRIDIT 4-1 JUVENTUS!
E pësojnë keq torinezët, edhe pse qenë përgatitur fort për të triumfuar kësaj here. E pësojnë rishtas nga spanjollët, siç e patën pësuar nga Barcelona në sezonin 2014-2015, kur patën humbur 3-1 në finale.
Fat i keq për ta, por dhe një ndeshje e luajtur mrekullueshëm nga madrilenët. Klinikë në rastet e krijuara, zotërues të plotë të lojës në pjesën e dytë, fitorja ka qenë më se e merituar për lojtarët e Realit, që pas fitores së La Ligës i gëzohen dhe kësaj në Champions League.
Një pjesë e parë e barabartë, ku së pari e çon topin në rrjetë Ronaldo e më pas barazon me një gol fantastik Mandzukic. Për të ardhur te pjesa e dytë, ku Casemiro, Ronaldo dhe Asensio fundosin “Zonjën e vjetër”.
Pëson tre gola gjatë gjithë sezonit të Champions-it, humbet në finale me katër gola: kjo është fatkeqësia e Juventusit!
Zinedine Zidane! Ky emër përfaqëson këmbën e mbarë për Realin. Mjeshtër dikur në fushë, mjeshtër dhe në stol, në drejtimin teknik të ekipit.
Reali i Madridit, legjenda e Champions League-s! /tesheshi.com/
