Historia prekëse e fëmijës së lindur pa tru

Fjala e parë e thënë nga një fëmijë është më emocionuesja për çdo nënë në botë, e veçanërisht nëse fëmija thotë ‘nënë’ për herë të parë. Është një fjalë që Emma Murray, një nënë e re, ishte e bindur se nuk do ta dëgjonte kurrë nga fëmija i saj. Aaron, djali i ardhur në jetë vetëm disa muaj më parë ka lindur me një keqformim në tru: ka vetëm nj pjesë të trurit. Mjekët i kishin shpjeguar se nuk kishte mundësi që i sapolindur të mbijetonte.

“Nëse do të kishte lindur me probleme në organet e tjera, sipas mjekëve, mundësitë për të jetuar do të ishin shumë më të mëdha, por problemi i trurit bëri që ata të mos më japin shumë shpresa”, – shpjegon nëna.

Më pas ajo thotë se ndodhi ajo që shkenca nuk arrin ta shpjegoj. Aaron disa ditë më parë, në mënyrë të papritur shqiptoi fjalën ‘mami’. Përplaste duart duke thënë këtë fjalë dhe kishte një shprehje fytyre shumë të gëzuar, ndërsa shikonte të ëmën.

“Më kishin thënë se im bir, i cili ka lindur me një pjesë shumë të vogël të trurit të zhvilluar, do të mbijetonte vetëm disa minuta, apo maksimumi disa orë. Për çudi ai tregoi se është një luftëtar i vërtetë, e tani tha edhe fjalën e parë”,- kanë qenë fjalët e nënës./tesheshi.com/