Pema bonsai, një pishë e bardhë japoneze iu dhurua koleksionit National Arboretum në Uashington në vitin 1976. Ajo është pema më e vjetër e koleksionit, 390-vjeçare, por historia e saj e mbijetesës është më shumë se ajo e mbijetesës ndaj kohës.
Pema bonsai i ka mbijetuar edhe shpërthimit atomik të Hiroshimës, e ndërsa qëndron në park e shëndetshme shumëkush habitet.
Pema iu dhurua koleksionit nga mjeshtri bonsai Masaru Yamaki, si pjesë e një koleksioni prej 53 llojesh për Shtetet e Bashkuara.
Pak dihej për pemën, veç moshës së saj, derisa dy vëllezër që vinin nga Japonia, kthyen në muze për të kontrolluar pemën e gjyshit të tyre.
Ata treguan se Masaru Yamaki e çmonte pemën bonsai si të pakrahasueshme dhe ia dha “armikut” pa thënë asnjë fjalë.
Shigeru Yamaki dhe vëllai i tij, Akira, plotësuan historinë për zyrtarët e muzeut duke treguar se kishin dëgjuar për të në historitë familjare. Fotografitë tregojnë sesi pas shpërthimit të bombës atomike pema e pishës qëndron aty mes rrënojave.
Një nga gjërat që e bën atë të mahnitshme është se dikush është kujdesur për të që nga viti 1625. /tesheshi.com/
