Trajneri i ri i skuadrës londineze, Chelsea, holandezi Guus Hiddink, ka mbajtur konferencën e parë për shtyp pasi mori detyrën e re. Mirëpo, fjalët e tij nuk ishin edhe aq bindëse sa për zgjidhur situatën që ndodhet aktualisht kampioni anglez, madje duke kontestuar ardhjen e tij në klubin londinez.
“Nuk duhej të isha këtu në gjysmë të sezonit. Kjo tregon se gjërat këtu nuk janë mirë. Por, megjithatë unë jam këtu për t’i zgjidhur gjërat. Unë nuk mundem të garantoj tre pikë në çdo javë, por do të përpiqem të demostroj dëshirën e lojtarëve për tifozët”, pohoi Hiddink.
Ndërkohë, holandezi nuk e sheh si të pamundur që kampionët aktual të përfundojnë në katër pozitat e para, megjithëse do jetë shumë vështirë.
“Matematikisht shanset për top 4 janë ende, por Premier League është kampionat shumë i vështirë. Premier Liga ka ndryshuar shumë që nga viti 2009, kur unë isha në Chelsea herën e fundit, por do të shohim”, përfundoi tekniku./tesheshi.com/
