Sulmi i kryer një javë më parë ndaj autobusit të ekipit të Borusias së Dordmundit në Gjemani, nuk ka qenë “dorë islamike”, siç aludohet në të tilla raste apo siç në fund vuloset mediatikisht.
The Independent shkruan se policia ka arrestuar së fundi një rus me shtetësi gjermane, si i dyshuar kryesor për sulmin, dhe ku sipas prokurorëve gjermanë, ai ka ndodhur për interesa financiare.
Hetuesit gjetën një letër në afërsi të vendit të ngjarjes që theksonte se përgjegjësia ishte marrë nga ISIS, por policia gjermane dyshoi në vërtetësinë e shënimit, sqaron më tej shkrimi i The Indipendent.
Policia konfirmoi se një njësi e policisë speciale arrestoi shtetasin Sergei Tuebingen në një zonë 30 km në jug të qytetit të Shtutgartit dhe 450 km në jug të Dortmundit.
Dhe nga hetimet ka rezultuar se rusi e ka kryer sulmin për të përfituar financiarisht, pasi synonte të blinte një numër aksionesh të Borussia-s të cilat më pas do t’i shiste.
Ai shpresonte se aksionet e klubit do të binin ndjeshëm pas sulmit terrorist.
“Një pjesë e konsiderueshme e rënies së çmimeve të aksioneve mund të ndodhte nëse plagosej apo vritej ndonjë lojtar”, thanë prokurorët.
U konfirmua gjithashtu se i dyshuari kishte rezervuar në të njëjtin hotel si ekipi, dhe vendosi tre eksplozivë që do të shpërthenin përgjatë rrugës për në stadium.
Autobusit të Borussia-s iu vunë tre bomba, pasi la hotelin dhe po udhëtonte për në stadium për të zhvilluar ndeshjen me Monakon në kuadër të çerekfinales së të Ligës së Kampioneve.
Mbrojtësi Marc Bartra dhe një polic u plagosën në shpërthimet, të cilat shkaktuan shtyrjen e ndeshjes. /tesheshi.com/
