Duket se nuk ka vlejtur aspak arsyetimi i Kuvendit mbi ndalimin e gazetarëve për të ndjekur komisionet parlamentare duke qenë fizikisht aty.
Kuvendi ofronte modele europiane për referencë, por nga vetë Europa kanë ardhur reagime. Kryesori nga Brukseli.
“Dëgjesat publike dhe qasja e mediave në Parlament për të mbuluar punën e seancave dhe komisioneve të tij janë elemente të rëndësishme të një demokracie liberale.
Keqardhje për mungesën e konsultimeve me mediat përpara miratimit të rregullave të reja nga Parlamenti. Këto rregulla nuk janë në përgjigje të udhëzimeve të BE-së ose këshillave të dhëna nën ndihmën e IPA-s, të nisura në këtë kontekst në vitin 2014”, u tha ngha përfaqësia e Brukselit në Tiranë.
Ngjashëm kanë reaguar dhe disa ambasada nga BE.
I pëkthyer ndryshe ky zhvillim, kjo mund të konsiderohet një krisje në raportet gjithnjë luajale të Gramoz Ruçit, si një ish-emër i nomeklaturës së vjetër, me zyrtarë perëndimore, ç’prej kur morri postin e kryeparlamentarit.
Kujtojmë se edhe Ruçi vijon të shënjestrohet nga ligjërimi opozitar si një “ish” i regjimit, ligjërimi perëndimor për Shqipërinë në asnjë rast nuk ka kontestuar figurën e ish-ministrit të fundit të Brendshëm në regjimin komunist. /tesheshi.com/
