Një burrë, për të shmangur publikimin online të disa fotove të sikletshme ka shkatërruar të gjithë rrjetin telefonik të lagjes ku jetonte, duke shkëputur lidhjen me internet për të gjithë banorët.
Ngjarja ka ndodhur në qytetin e Weifang-it në Kinë. Burri kishte ardhur në qytet për të kërkuar punë. E për të shtyrë kohën deri në momentin e intervistës, ai vendosi t’i bashkohej një grupi që po kërcente në një park të qytetit. Parku frekuentohet zakonisht nga femra të moshes së mesme, por burri nuk u shqetësua fare për këtë, të paktën deri në momentin kur pa se kalimtarët po i shkrepnin foto.
I shqetësuar me faktin se dikush mund t’I ngarkonte ato foto online dhe se kjo mund t’i krijonte një imazh të gabuar duke i krijuar probleme të mundshme me punëdhënësit e tij, ai vendosi ta marrë situatën në dorë. Në darkë shkoi në një central telefonik të lagjes dhe e shkatërroi atë, duke shkaktuar mbi 15 mijë euro dëm. /tesheshi.com/
