Në një postim në Facebook, zëvendëskryeministri dhe ministri i Punëve të Jashtme të Kosovës, Hashim Thaçi, ka uruar për fillimin e punëve në ndërtimin e ambasadës Amerikane në Kosovë. Ai thotë së kosovarët fituan një bastion të promovimit të lirisë dhe demokracisë. Ish-kryeministri e ka quajtur këtë ndërtesë kala për mbrojtjen e të gjithë kosovarëve.
Ja postimi i plotë i ministrit Hashim Thaçi:
Sot filluan punimet në ndërtesën e re të Ambasadës Amerikane. Para gati 20 vitesh, kur u hap Zyrja amerikane e informimit në Arbëri të Prishtinës nga diplomati i parë i akredituar ndonjëherë në Kosovë Michael McClellan, kosovarët fituan një bastion të promovimit të lirisë dhe demokracisë, një shtëpi të shpresës se nuk jemi vetëm. Shumë gjëra kanë ndodhur që nga atëherë, përfshi edhe një luftë gjenocidale, por ja që sot Amerika do të jetë më prezente se kurrë fizikisht, me një kala të vërtetë të mbrojtjes së të drejtave të të gjithë kosovarëve.
Urime U.S. Embassy Pristina, Kosovo për #NewUSEmbPristina
