Harry dhe Meghan, gati një padi ndaj episodit që i tall

Përfaqësuesit e çiftit po shqyrtojnë serialin “South Park” për “sulme” të tjera

Princi Harry dhe Meghan Markle do të kthehen kundër serialit të animuar të njohur, “South Park”.

Seriali i famshëm satirik i cili ka fituar miliona fansa në mbarë botën, së fundmi ka bërë një referencë për Dukën dhe Dukeshën e Sussex-it, të cilin ata vetë e kanë gjetur fyese.

Në veçanti, ai është “tallur” me kërkesat e çiftit në lidhje me privatësinë e tyre, pasi pas “daljes së madhe” nga Pallati, Harry dhe Meghan kujdesen që në çdo lëvizje të tyre të jenë në qendër të vëmendjes.

Episodi portretizon “Princin dhe Princeshën e Kanadasë”, një çift i ri mbretëror që i lutet publikut të mos përfshijë në jetën e tyre private, duke tërhequr vëmendjen te vetja.

Megjithatë, Sussexes besojnë se nuk është kështu dhe po përgatiten të ndërmarrin veprime ligjore kundër krijuesve të serialit.

Siç raporton eksperti mbretëror Neil Sheen në Fox News, përfaqësuesit e çiftit po shikojnë çdo episod të serialit, duke pritur për çdo “sulm” tjetër.

“Sipas burimeve pranë çiftit, seriali i referohet Harry-t dhe Meghan-it në shumë episode, direkt ose indirekt. Kjo mund të ketë pasoja ligjore”, tha Neil Sheen.

“Ekipi i tyre ligjor po shikon episodet për të parë se çfarë shkoi keq dhe nëse kjo mund të bëhet edhe më keq për ta”, shton ai, ndërsa sqaron se krijuesit e “South Park” nuk kanë marrë ende asnjë dokument ligjor. /tesheshi.com/