Kryeministri Ramush Haradinaj do të zhvillojë vizitën e parë në këtë post në Tiranë më 27 shtator. Kjo konfirmohet nga Halil Matoshi, drejtues i zyrës për mediat në qeverinë e Kosovës.
Ndërkohë, ende nuk ka një datë se kur Haradinaj do të udhëtojë drejt Podgoricës, pavarësisht se mediat shprehen për një vizitë të shpejtë të tij në Malin e Zi.
“Vizita në Tiranë do të realizohet me datën 27 shtator, por për Podgoricën nuk ka konfirmim se kur mund të ndodhë”, pohoi Matoshi, për Klan Kosova.
Kosova e Mali i Zi vazhdojnë të kenë problemin rreth Demarkacionit, përkundër faktit se zyrtarët e të dyja shteteve kanë deklaruar se kanë raporte të mira ndërshtetërore. /tesheshi.com/
