Kryeministri i Kosovës Ramush Haradinaj tha se nëse Serbia dëshiron të hyjë përsëri në tregun e Kosovës, ajo mund, por pas njohjes.
Në një intervistë me të përditshmen vjeneze Die Presse dhe gjermanen Stuttgarter Nachrichten, Haradinaj tha se dialogu me ndërmjetësinë e Bashkimit Evropian duhet të çojë në një marrëveshje me Serbinë, e cila të ofrojë njohjen e pavarësisë.
Në vend të kësaj, ai argumenton se Kosova ka qenë e ekspozuar ndaj sulmeve në rritje nga Serbia, të tilla si lobimi për tërheqjen e njohjejeve apo pengesat tregtare.
“Në këtë situatë ne nuk mund të bënin asgjë, përveçse të bllokonim tregun tonë për mallrat e importuara nga Serbia. Nëse Serbia e dëshiron tregun tonë, kjo është e mundur vetëm kur ta ketë njohur Kosovën”, theksoi Haradinaj.
Ai gjithashtu shprehu pakënaqësi ndaj BE-së, duke vënë në dukje se Kosova plotësoi kushtin e fundit për një regjim pa viza duke pranuar marrëveshjen e demarkacionit me Malin e Zi, e më pas nuk e morri çfarë i ishte premtuar.
Më tej, Haradinaj ceku dhe çështjen e kufijve kur deklaroi prerazi se “ne nuk do të luajmë me territore dhe kufij”. /tesheshi.com/
