Ish-kryeministri i Kosovës dhe kryetari aktual i Aleancës për Ardhmërinë e Kosovës, Ramush Haradinaj, ka kritikuar Qeverinë e Kosovës. Ai në një postim në proifilin e tij në Facebook ka thënë se kur janë bërë gati 100 ditë të qeverisjes së tyre, ende nuk kemi ndonjë njohje të re. Haradinaj po ashtu ka pyetur drejtuesit e qeverisë “Apo, vetëm po silleni e po pështilleni njëri brenda e tjetri jashtë, duke harruar për çka paguheni nga qytetarët e Kosovës?
Ky është postimi i plotë i Haradinajt në Facebook:
“Kryeministrat Mustafa e Thaçi – gati 100 ditë qeverisje pa asnjë njohje të re! Po bëhen 100 ditë të qeverisjes tuaj me dy kryeministra, Mustafa – Thaçi. A do ta sjellni të paktën një njohje brenda këtyre 100 ditëve?
Apo, vetëm po silleni e po pështilleni njëri brenda e tjetri jashtë, duke harruar për çka paguheni nga qytetarët e Kosovës?
Rëndësia e shtimit të numrit të njohjeve për Kosovën është e madhe, sidomos pas përkeqësimit të imazhit që ju i shkaktuat Kosovës”, (sic), ka shkruar Haradinaj.
