Kryeministri Ramush Haradinaj, pas kthimit nga Brukseli në një konferencë për media të mbajtur të shtunën, ka treguar se temë kyçe në takimin me përfaqësuesen e BE-së, Frederica Mogherini ka qenë agjenda evropiane, konkretisht ajo e liberalizimit të vizave, por edhe dialogu me Serbinë.
“Unë i kam thënë qëndrimet tona që është kriju një shpërputhje dhe ka një vonesë sidomos me Kosovën”, tha Haradinaj.
Kurse lidhur me çështjen e dialogut, Haradinaj bëri të ditur kërkesën që ja ka drejtuar Mogherinit.
“Ka një përkushtim për Ballkanin dhe Kosovën, mirëpo bindja ime është që Kosova ka humbur shumë kohë bë nërmbyllje të çështjeve të hapura, kërkesa e ime ka qenë që dialogu të jetë BE-Amerikë” tha ai.
Kryeministri foli edhe për deklaratat e ish-kryetarit të gjyqtarëve të EULEX-it, Malcolm Simmons, të cilat i quajti të dëmshme.
”Ajo që më habit mua, që një gjyqtar parimor nuk e thotë në kohë kur ndodh shkelja, por shumë më vonë, që është e habitshme dhe e zbehë këtë situatë”, tha Haradinaj. /tesheshi.com/
