Lideri i AAK-së, Ramush Haradinaj, pas mbledhjes së jashtëzakonshme të Këshillit të Përgjithshëm të mbajtur sot ka folur për protestën e ardhshme të opozitës, për të cilën ka thënë se do të ndodhë pas një jave.
“Jemi të vendosur ta vazhdojmë ketë kundërshtim opozitar. Do ta vazhdojmë me opozitën, por kemi dallime. AAK ka qëndrimet e veta, por nëse dakordohemi mundemi me u kthy në aktivitetet e përbashkëta me subjektet tjera”, ka thënë Haradinaj.
Kreu i AAK-së ka thënë se deputetët e partisë së tij kanë hedhur gaz lotsjellës dhe për këtë ai mendon se kanë vepruar drejt.
Mbledhja urgjente e AAK-së u mbajt një ditë pasi partitë opozitare anuluan një protestë që e kishin thirrur kohë më parë.
Në konferencën për media, Haradinaj nuk dha ndonjë sqarim rreth arsyeve të largimit të Donika Kadaj-Bujupi nga partia e tij. Sipas tij, as ai nuk i di arsyet e largimit meqë deputetja Kadaj nuk është arsyetuar.
Por, ai ka thënë se “shumë mirë” do të bëhej nëse ajo do të kalonte në Lëvizjen Vetëvendosje, ashtu siç ishte raportuar në media. /tesheshi.com/
