Qeveria e re e Kosovës ka miratuar planin qeverisës për katër vitet e ardhshme. “Pro” këtij plani kanë votuar të gjithë anëtarët e kabinetit, me përjashtim të një abstenimi.
Kryeministri Haradinaj u ka thënë ministrave se qeveria do të bëjë dallimin me qeveritë e kaluara në aspektin e miratimit dhe përmbajtjes së programit.
“Ju informoj se krahas një vizioni të partive politike të koalicionit qeverisës dhe zyrës së kryeministrit është marr direkt kontributi i secilit. Ky program përmbledh në vete objektivat kryesore, rendi, ligji dhe zhvillimi ekonomik”, tha Haradianaj.
Në fund ai shtoi se në program janë përfshirë edhe projektligjet që kanë qenë në shqyrtim, por është shfuqizuar programi legjislativ për vitin 2017 i votuar në dhjetorin e vitit 2016, nga qeveria e Isa Mustafës.
Programi është miratuar dhe do t’i drejtohet Kuvendit. /tesheshi.com/
