Ramush Haradinaj, në pozitën e kreut të AAK-së, ka ndërmarrë aktin e heqjes dorë nga mandati i fituar në zgjedhjet e 6 tetorit, ku partia e tij doli e katërta në renditje, një pozicion i përkthyer si një humbje e tij në këto zgjedhje. Me anë të një postimi në FB, Haradinaj ka bërë me dije aktin e tij, gjithsesi duke mos dhënë shpjegime të hollësishme përe psenë e këtij veprimi.
“Fati im personal e politik, asnjëherë nuk ka qenë më i mirë se fati i Kosovës. Në secilin rast, do të vazhdoj punën e pandalshme në mbrojtje të interesave të Kosovës dhe qytetarëve të saj dhe do t’u qëndroj në krahë edhe kundërshtarëve politikë, nëse ata do të vazhdojnë drejtimin që nisëm ne, për mbrojtjen dhe forcimin e interesit strategjik dhe sovranitetit të Kosovës.
Ulësen time në Kuvendin e Kosovë, do ta lë për kolegët, por pandalë, do të vazhdoj të mbaj të hapura dyert e Aleancës për reformën e nevojshme që e kërkoi sovrani, dhe për mbajtjen e vëmendjes së plotë e të pakursyer tek temat jetike për vendin, pa asnjë kompromis.
Ua kam borxh rikthimin e fuqishëm të një Aleance të pjekur, të strukturuar mirë, me kuadro të reja, gjithsesi me rrënjë të forta thellë në tokën e Kosovës.
Përgjithmonë i juaji, sa herë kërkon vendi e populli”, ka shkruar ndër të tjera Haradinaj. /tesheshi.com/
