Kandidati i PAN-it për kryeministër, Ramush Haradinaj ka përgënjeshtruar shkrimet e mediave, sipas të cilave është arritur një marrëveshje me AKR-në e Pacollit.
Haradinaj në një konferencë, ku ka prezantuar gjashtë kandidatë për kryetarë të komunave, tha se ende nuk ka marrëveshje me AKR-në, ndërsa ka sulmuar LDK-në e Vetëvendosje-n.
“Do t’i japin drejtim vendit. Ka ardhur koha t’i japim drejtim temave. Duhet të lëvizim përpara. Është i pakuptimtë kundërshtimi i konstituimit të Kuvendit. Kjo javë na iku, por tjetrën mendoj se do të fillojmë me punë. Kam qenë i hapur dhe jam habitur me logjikën e Vetëvendosjes dhe LDK-së, të cilët iu kam kërkuar konsulta dhe takime dhe i kanë refuzuar takimet me një ish-koleg. Kemi mund të ulemi në tavoline. Nga momenti që konstituohet Kuvendi do të ndryshojë dinamika”, ka thënë Haradinaj. /tesheshi.com/
