Partia Demokratike edhe pse nuk merr pjesë në zgjedhjet e 18 qershorit, po zbaton synimin e saj për të mos patur proces zgjedhor dhe për të penguar procedurat.
Sekretari elektoral i PD-së, Oerd Bylykbashi, doli në një konferencë për shtyp para KQZ-së, ku deklaroi se çdo regjistrim kandidatësh është i paligjshëm, pasi ka kaluar afati prej 50 ditësh, siç parashkruhet në ligj.
KQZ u përgjigj me një deklaratë zyrtare, përmes së cilës saktësoi se afati skadon sonte në mesnatë.
Por duket se rendja e PD-ja për datën po fsheh një lëvizje të pritshme për një marrëveshje in extremis mes palësh. Po flitet për një vizitë të Bashës në SHBA, ku mund të arrihet një kompromis.
Gjithsesi, detajet e tratativave po mbahen shumë sekret. /tesheshi. com/
