Hamasi njoftoi të dielën, më 11 maj, se po lironte pengun izraelito-amerikan Edan Alexander si pjesë e përpjekjeve për të arritur një marrëveshje armëpushimi në Gaza, raporton BBC.
Ushtari 21-vjeçar ishte pengu i fundit amerikan i gjallë në Rripin e Gazës.
Vendimi erdhi pasi një zyrtar i lartë i Hamasit i tha BBC-së se grupi i armatosur palestinez kishte negociuar drejtpërdrejt me një zyrtar të administratës amerikane në Katar.
Një zyrtar i lartë palestinez i njohur me bisedimet tha se ky ishte një gjest i vullnetit të mirë përpara se Presidenti Donald Trump të mbërrijë në Lindjen e Mesme të martën.
I lindur në Tel Aviv dhe i rritur në New Jersey, Alexander po shërbente në një njësi elitare këmbësorie në kufirin me Gazën kur u rrëmbye nga militantët e Hamasit më 7 tetor 2023. /tesheshi.com/
