Sekretari i Përgjithshëm socialist, Gramoz Ruçi ka nisur një operacion spastrimi të të gjithë strukturave drejtuese të PS-së dhe anëtarësisë, për të larguar socialistët që punojnë edhe për LSI-në.
Një betejë e ashpër ka nisur në bazë ndërmjet PS-së dhe LSI-së prej disa muajsh duke marrë copa të mëdha nga njëra-njëra që të sigurojnë një sukses në zgjedhjet e ardhshme, që sipas gjasave mund të jenë edhe të parakohshme.
Nëse Rama-Meta po komentohet dhe diskutohet si një “luftë e ftohtë” që vazhdon e vazhdon duke u rrekur të përkthehet çfarë ndodh, situata poshtë është më e vrullshme.
Prej kur ka shpallur zgjerimin e PS-së me 150 mijë anëtarë të rinj, Edi Rama ka pasur një strategji të qartë dhe të mirëmenduar: spastrimin e listave të anëtarëve socialistë, të cilët me karta ishin pjesë e PS-së, por realisht punonin e vepronin si pjesë e Lëvizjes Socialiste për Integrim.
Siç mësohet, një komision i posaçëm i ngritur nga Edi Rama ka shpallur nul të gjithë arkivat e vjetra të anëtarësisë për të riregjistruar të gjithë njerëzit që militojnë në partinë e tij një për një.
E gjitha është bërë, pasi në zgjedhjet lokale të 21 qershorit 2015 është vërtetuar se shumë nga komisionerët kanë qenë si “grup i gatshëm” i LSI-së. Në disa rrethe të vendit si Shkodër, Lezhë, Dibër, bulqizë dhe Kukës, është vënë re se shumë nga anëtarësia vetëm me emra ka qenë pjesë e Partisë Socialiste.
Shkodra ka qenë rasti më flagrant dhe kjo ka krijuar një situatë të ndërlikuar në qendër, pasi është marrë vesh kontakti dhe bashkëveprimi me LSI-në.
Siç mësohet, LSI në vitin 2013 i ka marrë shumë anëtarë, madje edhe grupseksione Partisë Demokratike duke i lënë në punët që ndodheshin në administrate, dhe më këtë rast kanë siguruar një rritje votash të konsiderueshme. Por në zgjedhjet lokale të vitit të shkuar, LSI ka përdorur strukturat e PS-së si depozitë votash.
Komisioni i posaçëm i ngritur nga Rama ka verifikuar një situatë problematike në disa vende, dhe Gramoz Ruçi është ngarkuar që të bëjë riregjistrimin nga e para të gjithë anëtarësisë.
Ditët e ardhshme pritet edhe një rinovm i të gjithë degëve drejtuese në rrethe ku mund të largohet gati 70% e kuadrove.
Y.P – /tesheshi.com/
