Edhe pse ende nuk ka një qëndrim zyrtar, ashtu siç e ka paralajmëruar, deputetja demokrate Rudina Hajdari është shfaqur simbolikisht krah ambasadorit të BE-së në Tiranë Luigji Soreca, ku të dy ishin në Bashkinë e Vaut të Dejës. Edhe pse të pranishë aty në kuadër të 8 Marsit, sfondi politik ishte mëse i qartë, së bashku me një mesazh nga ana e Soreca-s: Është e qartë që opozita po mban një qëndrim të saj pamundësinë për t’u kthyer mbrapsht. Ne na vjen keq për këtë. Ne ua kemi thënë këtë disa herë krerëve të opozitës, por ajo që kemi kuptuar është se ata nuk kanë për synim që të kthehen në Kuvend. Kjo ndikon në procesin e Shqipërisë drejt Bashkimit Europian. Ne kemi bërë thirrje për dialog, ne nuk mbajmë anë. Ne i kemi kërkuar qeverisë që të ndërmarrë çfarëdo lloj hapi që të ketë një frymë konstruktive me opozitën
Bashkimi Evropian është në anën e qytetarëve të Shqipërisë që dëshirojnë që vendi të bëhet shtet anëtar i BE. Ky është interesi i këtyre 93 % shqiptarëve që dëshirojnë që Shqipëria të bëhet shtet anëtar dhe pikërisht për këtë po punojmë edhe ne. Situata ekzistuese politike në Shqipëri minon këtë ambicie këtë dëshirë të 93 % të shqiptarëve. Dhe ky është objektivi ynë, prandaj ne ju bëjmë thirrje të gjitha palëve, qeverisë dhe opozitës, të ulen të bisedojnë për të përmbushur këtë që duan shqiptarët. Në rast se nuk do të ketë zgjidhje për këtë situatë politike në vend, rrugëtimi i Shqipërisë në BE do të jetë në rrezik.
Ne i ftojmë të gjitha institucionet qendrore dhe vendore të vazhdojnë të luajnë rolin e tyre në demokraci, të kujdesen për interesat e qytetarëve dhe banorëve të zones”, tha diplomati i Brukselit.
Ndërsa znj.Hajdari nuk e pame vend që të kumtojnë ndonjë mesazh politik; ai ishte brenda të qënit krah ambasadorit…me mandat. /tesheshi.com/
