Kreu në ikje i Zgjerimit Johannes Hahn, gati ka konfirmuar nën zhgënjim se negociatat nuk do hapen.
“Udhëheqësit e BE nuk arritën të dakordësohen për hapjen e negociatave të Shqipërisë dhe Maqedonisë së Veriut në Europë. Ky është një zhgënjim ekstrem”.
“Vendet e BE tani duhet të sqarojnë se sa serioz është angazhimi i tyre për integrimin e Ballkanit Perëndimor. Ky nuk është moment lavdie për Evropën”, shkroi njeriu që u angazhua fuqimisht për procesin, si me Tiranën e si me Shkupin.
“Refuzimi i zgjerimit do të ketë pasoja negative, përfshirë edhe rrezikun për destabilizimin e Ballkanit Perëndimor, që do të ketë ndikim të plotë në gjithë Evropën.
Falënderoj të gjithë ata që natën e kaluar bënë gjithçka për të arritur një vendim me rëndësi të madhe strategjike për Evropën, si dhe luftuan për të dërguar sinjale shprese te qytetarët e Ballkanit Perëndimor”, shkroi Hahn. /tesheshi.com/
