Në sheshin kryesor në Wroclaw të Polonisë, u thye një rekord i ri botëror.
Sipas Agjencisë Anadolu, 8,122 kitaristë interpretuan së bashku këngën “Hey Joe” të të famshmit Jimi Hendrix, duke thyer rekordin botëror për ansamblin më të madh të kitarës.
Rekordi i ri e tejkaloi atë të mëparshëm të vitit 2009, kur 6,346 muzikantë e interpretuan këngën në të njëjtin vend.
Kjo shfaqje spektakolare ishte pjesë e Festivalit tradicional “Faleminderit Jimi”, që mbahet më 1 maj, i cili mbahet çdo vit në nder të trashëgimisë muzikore të Hendrix dhe bashkon kitaristë nga e gjithë bota.
Zyrtarët e Librit të Rekordeve Botërore Guinness ishin të pranishëm në vendngjarje për të verifikuar dhe konfirmuar zyrtarisht rekordin e ri. /tesheshi.com/