Nikolla Gruevski po kërkon të provokojë sërish pas paralajmërimit të BE-së për largimin nga pushteti.
Një operacion policor i ngjashëm me atë të “Lagjes së Trimave” po përgatitet në rajonin e Likovës për të hapur një vatër të re në kufirin me Serbinë, në mënyrë që të përfshihen dy shtetet që synojnë destabilizimin e situatës.
Në disa media pranë VRMO-DPMNE-së dhe mediave ultranacionaliste serbe, janë “importuar” desinformacione nga shërbimet serkrete që flasin për probleme në “trekëndëshin” kufitar strategjik gjithë-shqiptar në kufi me Preshevën-Maqedoninë dhe Kosovën.
Agjencia shqiptare e lajmeve INA ka akuzuar direkt një gazetar pranë Gruevskit, Dragan Pavllovic Llatas, si njeriun që po provokon me lajme tipike dezinformuese.
Sipas gazetarëve të INA, caku i këtyre provokimeve është Likova dhe Kumanova. Televizioni “Sitel”, një vegël qorre e Gruevskit ka dalë sot me lajmin e “shkatërrimit të terroristëve” në fshatrat e Sllupcanit dhe Vaksincës.
Në të njëjtën valë janë edhe mediat serbe. Ditë më parë gazeta serbe “Zdravo”, shkruante: “Në Likovë, vend në Maqedoni që gjendet vetëm disa kilometra nga kufiri me Serbinë dhe 50 kilometra nga Vranja, ish-ushtarë të UÇK-së kanë themeluar një kamp ushtarak dhe po i kërcënohen Maqedonisë dhe Serbisë”.
Portali serb Telegraf, që konsiderohet se ka lidhje të ngushta me qarqet e VRMO-DPMNE-së, shkruante se Likova është zgjedhur qëllimisht për shkak se gjendet në kufi me Maqedoninë, Serbinë Qendrore dhe “Kosovën e Metohinë”, ku jetojnë 99 për qind shqiptarë, rreth 350 serbë dhe 150 maqedonas.
/tesheshi.com/
