Ish-kryeministri Nikolla Gruevski ka kaluar në Hungari dhe prej andej ka bërë me dije se po kërkon azil në këtë shtet. Aty, në udhëheqje është Viktor Orban, njeriu me të njëjtat bindje politike e gjeopolitike gjithashtu.
“Unë jam në Budapest dhe kërkova azil politik nga autoritetet në Hungari”, shkroi Gruevski në profilin e tij në Facebook.
Një natë më parë, policia maqedonase lëshoi një urdhërr-arrest për të, pasi Gjykata kërkon që ai të shkojë në burg e të vuajë dënimin me dy vjet heqje lirie për aferën “Tanku”.
Por Gruevski, i cili proceset ndaj tij i konsideron si politike, nuk ka pranuar të përfundojë pas hekurave dhe ka zgjedhur arratinë. /tesheshi.com/
