Donald Trump ka emëruar ish-prezantuesen e Fox News, Kimberly Guilfoyle, si ambasadore të tij në Greqi. Kjo, vetëm disa orë pasi fotot e publikuara nga Daily Mail tregonin të fejuarin e saj, Donald Trump Jr., duke mbajtur dorën e një gruaje tjetër.
“Kimberly ka qenë një mike e ngushtë dhe aleate për shumë vite. Përvoja dhe lidershipi në drejtësi, media dhe politikë, së bashku me intelektin e saj të mprehtë, e bëjnë atë jashtëzakonisht të kualifikuar për të përfaqësuar Shtetet e Bashkuara dhe për të mbrojtur interesat e saj jashtë vendit. Kimberly është e përshtatshme për forcimin e marrëdhënieve dypalëshe me Greqinë, avancimin e interesave tona për çështjet nga bashkëpunimi i mbrojtjes deri te inovacioni tregtar dhe ekonomik”, tha presidenti i zgjedhur në një deklaratë të postuar në Truth Social.
Emërimi i Guilfoyle kërkon konfirmimin e Senatit.
Njoftimi erdhi menjëherë pasi Trump Jr., 46 vjeç, u pa duke në mpleksje intime me Bettina Anderson, 38 vjeç.
Trump Jr. dhe Guilfoyle, 55, nuk i kanë dhënë fund zyrtarisht marrëdhënies së tyre – edhe pse fëmija më i madh i presidentit të zgjedhur thuhet se e bëri të qartë këtë në qarqet në Florida. Guilfoyle ishte martuar më parë me guvernatorin e Kalifornisë, Gavin Neësom, përpara se të lidhej me Trump Jr. në vitin 2018.
“Jam e nderuar të pranoj nominimin e Presidentit Trump për të shërbyer si ambasadore në Greqi dhe mezi pres të fitoj mbështetjen e Senatit të SHBA”, tha Guilfoyle në një deklaratë në Platformën X. /tesheshi.com/
