Ka reaguar shteti shqiptar pas zhurmës së krijuar ditët e fundit në lidhje me vendosjen e disa tabelave rrugore në jug, në saktë në territorin e Bashkisë minoritare Finiq, ku shqipja kalonte gjuhë e dytë ndërsa greqishja ishte gjuhë e parë.
Autoriteti Rrugor Shqiptar ka nisur heqjen e tyre, duke sqaruar zërat e përfaqsuesve të Minoritetit, zyrtarë apo popull i thjeshtë, se reagimi vjen në emër të zbatimit të ligjit.
“Në ligjin ‘Për mbrojtjen e Pakicave Kombëtare”, në nenin 15, pika 3 thuhet: ‘Me vendim të organeve të njësive të vetëqeverisjes vendore, ku mbi 20 për qind e banorëve u përkasin pakicave kombëtare, kur ka një kërkesë të mjaftueshme prej tyre, emërtimet e njësive administrative përkatëse, të rrugëve dhe të treguesve të tjerë topografikë, krahas gjuhës shqipe, shfaqen dhe në gjuhën e pakicës përkatëse, sipas parashikimeve ligjore për vetëqeverisjen vendore’”. /tesheshi.com/
