Ministri i Migracionit Giorgos Koumoutsakos thotë se 15 azilkërkues, kërkesat e të cilëve janë refuzuar, do të kthehen në Turqi nga një ishull grek, por ai nuk ofroi më shumë detaje, raporton AP.
Ai tha se 75,000 migrantë në Greqi janë në pritje të zgjidhjes së kërkesës për azil, si dhe nëntë mijë migrantë, kërkesat e të cilëve u refuzuan, por u apeluan.
Sipas tij, ka tre herë më shumë njerëz që jetojnë në ishujt grekë ku banojnë aktualisht migrantët.
Anëtarët e Rojes Bregdetare Greke dhe Frontex shpëtuan më parë 107 migrantë dhe refugjatë në dy raste të veçanta në Detin Egje.
Në rastin e parë, 56 migrantë u shpëtuan në ishullin Lesbos dhe u transferuan në portin e Skalës.
Pranë ishullit Kos, Frontex vuri re një varkë gome me migrantë, dhe siç njoftoi agjensia greke ANA, u shpëtuan 51 persona.
Më shumë se 800 refugjatë dhe migrantë janë mbytur që nga fillimi i vitit në përpjekje për të kaluar Detin Mesdhe. Vetëm në dy muajt e fundit, dhjetëra trupa janë bllokuar në plazhet e Tunizisë, në kufirin me Libinë, në një zonë që është një fortesë për trafikimin e qenieve njerëzore.
Vitin e kaluar, u mbytën afro 1.500 njerëz. /tesheshi.com/
