Gjykata greke ka dhënë azil për 8 ish-ushtarakë turq, të cilët u larguan drejt fqinjit pas një përpjekjeje të pasuksesshme për grusht shteti korrikun e 2006-ës.
Turqia ka reaguar duke e dënuar këtë vendim, duke shpresuar se do ndodhte e kundërta. Kjo pasi ditë më parë u liruan dy ushtarë grekë kufiri, të cilët u kapën pak kohë më parë në territorin e shtetit turk. Ankara priste të ndodhte i njëjti “këmbim”.
“Ky është një tjetër vendim skandaloz i sistemit të drejtësisë greke që përdoret për të mbrojtur komplotistët e grushtit ushtarak”, njoftoi në Tëitter Omer Çelik, zëdhënësi i AKP-së, partisë në pushtet.
Ai akuzoi sistemin e drejtësisë greke duke thënë se është “në anën e armiqve të Turqisë”, dhe tha se aktgjykimi i Gjykatës së Lartë Greke në favor të ish-ushtarë ishte “i turpshëm pasi i jep mbështetje terrorizmit”.
“Komplotistët e grushtit të shtetit janë armiqtë më të rrezikshëm të kombit dhe shtetit tonë”, shtoi Çelik.
Tetë ish-ushtarakët turq mbërritën në një helikopter në Greqi më 16 korrik 2016, një ditë pas dështimit të grushtit të shtetit.
Ankaraja pretendon se ata i përkisnin lëvizjes Fethullah Gulen, duke e akuzuar atë për organizimin e grushtit të dështuar.
Në fakt qeveria greke edhe vetë ka shprehur padakortësinë me këtë vendim të drejtësisë. /tesheshi.com/
