Në atmosferën e nxehtë të zhvillimeve në Bularat, Athina i ka kërkuar Tiranës që të respektojë të drejtat e minoritetit, por pa e spacifikuar se për ç’lloj është fjala, prej atyre që ajo mendon se nuk u janë dhënë pakicave, a më saktë asaj greke në jug të vendit.
Zv/ministrja e Mbrojtjes së Qytetarëve në qeverisë Tsipras, Katerina Papakosta-Sidiropoulou lëshoi tezën stereotipe të politikës greke ndaj Shqipërisë, se respektimi i minoritetit është parakusht për integrimin në BE, pra, veton greke në proceset drejt anëtarësimit.
“Me Shqipërinë duhet hapur një dialog i sinqertë dhe në thellësi për të drejtat e pakicës kombëtare në funksion të perspektivës evropiane, parakushti i të cilave është zbatimi i plotë i tyre. Shqipëria duhet të pranojë qartë d.m.th, aq sa pretendon për shqiptarët jashtë vendit të tyre, autonomi ose edhe pavarësi, duhet të japë për pakicat kombëtare të gjitha të drejtat. Këto janë parakushte për pranimin nga Evropa dhe Greqia duhet t’i kujtojë”, deklaroi zyrtarja greke.
Siç mund të dallohet, ajo ka përmendur “autonominë” dhe “pavërësinë”, pas sqaruar se për ç’precedentë është fjala, por që aludohet për Kosovën. Dhe në këtë linjë, a është deklarata e qeveritares greke një thirrje për autonomi të minoritetit grek në jug të vendit?
Sa i përket të drejtave bazë, ende Athina nuk artikulon asnjë sosh që i është mohuar pakicës greke në jug të vendit. /tesheshi.com/
