Pas një gjysëm shekulli marrëdhënie të mira me palestinezët dhe me vendet e Afrikës Veriore, Greqia e Alexis Tsipras ka ndryshuar fletë duke u afruar shumë me Izraelin.
Greqia dhe Izraeli kanë nënshkruar një marrëveshje ushtarake, e cila parashikon mbajtjen e stërvitjeve të përbashkëta, bashkëpunim në fusha të ndryshme në ushtri si dhe qëndrimin e ushtarëve të dy shteteve respektive gjatë stërvitjeve në vendet mikpritës
Nënshkrimi (Status of Forces Agreement) i kësaj marrëveshje është bërë publik me anë të një deklarate me shkrim nga Ministria e Mbrojtjes së Greqisë. Në deklaratë thuhet se marrëveshja në fjalë është firmosur gjatë një vizite zyrtarë që ministri i Mbrojtjes së Greqisë, Panos Kammenos zhvilloi në Izrael.
Në deklaratë thuhet se gjatë takimit të dy ministrave në Izrael janë diskutuar tema si, siguria detare, çështje që kanë të bëjnë me Greqinë dhe Qipron greke, siguria në centralet energjetike në Izrael si dhe bashkëpunimi në fushat e mbrojtjes së dy vendeve./tesheshi.com/
